• Comparteix a Linkedin
  • Imprimeix

Vision estrategica

Er objectiu principau des politiques de supòrt ara indústria e ara empresa ei eth de  facilitar un entorn competitiu qu'impulse eth creishement dera activitat empresariau, fomente era coesion sociau e assolide er estat deth benèster. En aguest sens, eth Govèrn, amassa damb d’auti agents economics e sociaus, a impulsat eth Pacte Nacionau entara Indústria entà planificar eth desvolopament industriau de Catalonha a long termini. ACCIÓ ei un des principaus organismes encargat dera execucion d’aguesta estrategia.

Aguest acòrd nèish en er an 2017 damb era fin d’aumentar eth pes dera indústria ena estructura economica de Catalonha e a era volontat d’impulsar era transformacion deth modèl industriau deth país entà hèr-lo sostenible, fomentar era innovacion e era internacionalizacion e crear aucupacion de qualitat. Eth pacte reafirme era volontat deth Govèrn e des agents economics e sociaus de reafirmar era indústria coma sector clau entara rèsta de sectors e era sua capacitat d’adaptacion as besonhs e es naues realitats der entorn empresariau.

Eth Pacte se materialize en 116 accions e un pressupòst totau, enquiath 2020, de 1.844 milions d’èuros (468 milions des que se ne destinen ara activitat der  an 2017), maugrat que se prevé ua mobilizacion totau de mès de 3.000 milions d’èuros.

 

Era estrategia e es accions deth Pacte Nacionau tara Indústria s’an trebalhat en sies grops de trebalh:

  • Competitivitat e aucupacion industriau: potenciar era capacitat deth teishut empresariau catalan a trauès deth binòmi internacionalizacion innovacion, atau coma impulsar era emprenedoria.
  • Dimension empresariau e finançament: incrementar era dimension des pimes entà que poguen competir eficaçament en mercat globau e actuen coma  tractors dera economia. Aufrir ath sector productiu estruments eficienti de capitalitzacion e de finançament entà facilitar-les eth sòn creishement
  • Indústria 4.0 e digitalizacion: difóner entre es empreses era importància dera Indústria 4.0,  capacitar ath capitau uman entà dar responsa ara demanda de naui perfils, prestar servicis auançadi e promòir es infrastructures de besonh entath desplegament dera Indústria 4.0.
  • Formacion: milhorar era capacitacion de trabalhadors e trabalhadores entà poder dar ua responsa de qualitat e flexibla as naui besonhs des empreses e dera societat, atau coma ath cambiament tecnologic e des modèus de produccion.
  • Infrastructures e energia: proporcionar un milhor equipament  infraestructurau en Catalonha, que permete aumentar era productivitat industriau, vertebrar eth territòri e favorir era atraccion d’inversions, redusir es còsti energetics dera indústria catalana e milhorar era eficiéncia e  er estauviament energetic.
  • Sostenibilitat e economia circulara: apostar per ua economia verda e circulara, qu'estàuvie recorsi, mete en valor es residus e impulse atau era innovacion e era competitivitat industriau.