Cercador
Des dera delegacion d’ACCIÓ deth Naut Pirenèu e Aran se trabalhe entà conéisher de prumèra man es besonhs des empreses, entà detectar oportunitats de negòci e entà adaptar es servicis d’ACCIÓ ara realitat locau.
S'era tua empresa ei plaçada en aguest territòri e vòs assessorament personalizat, contacta damb era equipa dera delegacion d’ACCIÓ deth Naut Pirenèu e Aran.
Des dera delegacion d’ACCIÓ deth Naut Pirenèu e Aran t’ajudam a hèr negòci...
Eth teishut empresariau Naut Pirenèu e Aran compde damb mès de 3.500 empreses, e se centre basicaments enes sectors dera ostalaria, eth comèrç, era construccion, es indústries manufacturères, era agricultura e era ramaderia. Era majoria d’empreses son de dimensions redusides, de caractèr familhau, damb capacitat d’empréner e damb fòrt compromís vèrs eth territòri. Un des sectors tractors ei er agroalimentari, present enes sies comarques.
Entre es productes emergents i trapam era carn de bedèth e d’anhèt ecologiques e era produccion de vin e bières artesanes. Era internacionalizacion ei restacada as granes empreses e cooperatives mès granes des sectors agroalimentar, electric e forestau. Es principaus mercats d’encastre internacionau son França, Andòrra e era rèsta d’Euròpa.
Eth delegat deth Naut Pirenèu e Aran ei David Torrelles, a formacion especializada de Postgrad en administracion e direccion d’empreses, direccion de marqueting e ventes per EUNCET-UPC e Executive MBA per ESIC. Era sua trajectòria professionau s'a centrat en prètzhèts de responsabilitat de negòci atau coma de direccion comerciau e ventes en empreses coma Vivendum o LIDL.
Contacte
